Nagapabilin nga positibo gihapon sa Paralytic Shellfish Poison (PSP) ukon toxic red tide ang kalalawran sang Panay, Pilar, President Roxas, Ivisan, Sapian kag ang Roxas City.
Ini ang sandig sa pinakaulihi nga Shellfish Bulletin No. 23 Series of 2023 nga ginpaguwa sang Oktubre 6.
Hugot nga nagapaandam ang Bureau of Fisheries and Aquatic Resources (BFAR) sa publiko nga likawan sa gihapon ang pag-harvest, pagbakal kag pagkaon sang tanan nga sahi sang panginhason nagikan sa mga nasambit nga kalalawran. | Judy Ann Juare
