Nabalhag sa probinsya sang Capiz kag Guimaras ang may pinakamadamo nga Overweight kag Obese nga yara sa 2.96%, ginasundan ini sang Aklan nga may 2.85%, Antique – 2.79%, Iloilo – 2.72% kag Negros Occidental – 1.73%.
Samtang, nabalhag naman sa probinsiya sang Antique kag Negros Occidental ang mataas nga prevalence rate sang mga wasted ukon potot kag kulang sa timbang ang mga kabataan nga naga-edad 0-59 months.
Sandig ini sa pinakaulihi nga datos sang National Nutrition Council Region 6 sang nagligad nga tuig 2022.
Suno kay Sheryl Sedantes OIC- Regional Nutrition Program Coordinator sang NNNC 6 daku ang papel sang mga ginikanan sa paghatag sang proper nutrition sa ila mga kabataan ilabi na sa pagpili sang masustansiya nga mga pagkaon.
Nagapadayun man ang programa sang ahensiya sa pagtudlo sa mga ginikanan sang husto nga mga interventions ilabi na sa 0-59 months nga edad sang bata. | Judy Ann Juare
