CEBU CITY — Ipaubos sa State of Calamity sa Probinsya sa Sugbo human natagamtaman ang epekto sa El Niño phenomenon.
Niabot sa 32 ka mga LGUs sa probinsya ang apektado sa huwaw.
Mokabat ngadto sa 176.87-million pesos ang natalang danyos gikan sa mga tamnanan.
Base kini sa report nga gipagawas gikan sa Provincial Agricultural Office as of May 16, 2024.
Natagamtaman kini sa kapin 12-mil ka mga mag-uuma ug mga mananagat.
“We would not be giving ayuda but we will be helping farmers help themselves. That is the culture that we wish to nurture in the entire province of Cebu.. not the culture of mendicancy, you only get lazy people from that.” – Gov. Gwen Garcia
Gisiguro usab sa Provincial Government nga dili na mosamot ang epekto sa El Niño ilabi na sa mga tinubdan sa tubig.
Pipila sa mga naapektuhan sa huwaw mao ang Mananga River sa dakbayan sa Talisay, ug ang sapa sa lungsod sa Compostela.
Maong gisiguro nila ang maayong suplay sa tubig pinaagi sa pagpakusog pa sa agas gikan sa Luyang River sa lungsod sa Carmen.
“We are as yet computing just how much more cubic meters the CMWD can provide for MCWD”
Gikatakdang mag-abot silang Gobernador Gwendolyn Garcia og mga hingtungdang ahensya ug mga mayor aron masabutan ang abag nga mahatag sa labing daling panahon.//
