Makapahimulos na unya ang mga residente sa siyudad sa Mandaue og libreng wifi.
Si Mayor Jonas Cortes, nipirma og memorandum of understanding tali sa mga pribadong kompanya aron sa pag-installar sa wifi.
Ang libreng wifi ibutang sa nagkadaiyang barangay ug gym.
Lakip usab ang mga city-operated buildings sama sa city hall, sports complex, public market, city hospital, city plaza ug uban pa.
Gawas sa pampublikong lugar, ang Mandaue magbutang usab og internet access sa pribadong lugar sama sa mga malls, terminals, ug tunghaan.
Ang memorandum of understanding gilayun ipatuman ug kini molungtad hangtud sa tulo ka tuig. Kini palugwayan og tulo pa katuig kundili marevoke ang kasabutan.
Si Mayor Jonas Cortes nagkanayun nga makatabang ang libreng wifi sa mga residente labi na sa mga tinun-an sa ilang pag-eskwela.///
