Mas ginpabaskog pa it lokal nga gobyerno it Aklan ro pagsubaybay sa monkeypox virus sa bieog nga probinisya.
Sa presente, uwa pa it narekord nga kumpirmadong kaso it monkeypox sa Aklan pero uwa nagpakampante ro Provincial Health Office sa pagbantay agud malikawan ro pagsueod it nasambitan nga sakit.
Ro mga airport, rural health units, ag ro Bureau of Quarantine sa probinsiya hay nagpabaskog man it andang mga tikang para makipagsukoe sa monkeypox virus.
Nakapahaom eun man ro Dr. Rafael S. Tumbokon Memorial Hospital nga pangunahan ro mga probable, suspected, ag confirmed monkeypox cases./JIL B. LACSON
