Ginapabugae it Police Regional Office 6 (PRO-6) nga uwa it nareport nga mga personnel it taeapan ro nadamay sa ilegal nga droga.
Base sa kumpirmasyon ni Police Lieutenant Colonel Arnel Solis, PRO-6 spokesperson, sambilog sa mga naging rason ro mahugot nga pagpatuman it internal cleansing program.
Raya hay sambilog ka close monitoring sa tanan nga mga mga aktibidad it mga kapulisan bukon eamang sa drugs kundi sa tanan nga mga ilegal nga bagay.
Nakabulig man segun ro neutralisasyon it mga drug group kapareho it Odicta, Prevendido, ag Bolivar drug group.
Matandaan nga kat naga-operate pa ro Odicta ag Prevendido drug group, may mga report angot sa pagtao it proteksyon sa anda it pila ka mga kapulisan.
Makarang dag-on, tuyo it Regional Drug Enforcement Unit (RDEU) it PRO-6 nga i-dismantle ro tatlo pa ka mga aktibong grupo kaangot sa ilegal nga droga sa rehiyon./JIL B. LACSON
