Uwa it narekord nga Police Regional Office 6 (PRO 6) nga mga kapulisan sa Western Visayas nga nag-eapas sa direktiba it pagbawae it pagpaeupok it andang service firearm sa pagsugaeaw it bag-ong dag-on.
Base sa kumpirmasyon ni Police Regional Office 6 Spokesperson Lt. Col. Arnel Solis, nagahimo it daily formation ro PNP kung siin nagatao sanda it mga instructions ag mga pahanumdom para sa maeuwas ag mahilway nga pagsugaeaw it bag-ong dag-on.
Samtang ku nagtaliwan nga adlaw, may narekord nga pagkamatay it daywang mga police officers bangud sa accidental firing.
Dugang pa ni Solis, may mga late reports man nga nabaton ro taeatapan angot sa mga stray bullet incident nga na-rekord sa Iloilo ag Aklan./JIL B. LACSON
