Kabilugan nga 215 nga wanted persons ro nailista it Police Regional Office (PRO-6) nga nadakpan sa sueod it sang dominggo nga operasyon.
Suno kay Police Brigadier General Flynn E Dongbo, PRO 6 Director, sa nasambit nga numero, 34 kara ro most wanted persons (MWP) ag 181 hay (Other Wanted Person) nga resulta it 212 nga operasyon nga ginpatigayun it nagkasari-sari nga unit it PNP sa Western Visayas.
Sa 34 nga naarestong MWP, ro Negros Occidental ro may pinakamataas nga numero it naaresto nga may 12, sinundan it Iloilo Province ag Capiz nga may tig-anum, Bacolod City ag Antique nga may tatlo, Aklan ag Guimaras nga may daywa. / ANN DESLENE SALAZAR
