KALIBO, AKLAN—Kabilugan nga 256 body cameras do nabaton it Police Regional Office (PRO) 6 kun siin pagagamiton raya para sa anti-drug operations ag iba pang aktibidad it mga pulis sa Western Visayas.
Sa nasambit nga body cameras, 192 kara do gintao sa 12 police stations sa Negros Occidental Police Provincial Office (NOCPPO), 32 sa Iloilo ag tag-16 para man sa Roxas City police station ag Bacolod City Police Office.
Suno kay PRO 6 spokesperson, Police Lieutenant Colonel Joem Malong, kinahangean pa nga magpaidaeom sa training do mga pulis bago gamiton do camera kaeakip kara do reconfiguration, technical requirement ag kung paano alagaan ag buytan do mga raya.
Mabahoe man sigon nga bulig do body cameras sa transparency sa police organization ag operation eabi eon sa drug buy bust nga do pirmi nga ginahambae it mga nadadakpan hay do narecover kandang droga hay planted. Mag-eowas pa kara, do footages hay pwede man sigon nga magamit bilang ebidensiya sa korte. // SHERRY ANNE REUNIR-VIDAL
