Presente nga sa heightened alert ro Police Regional Office VI sa pang-53 dag-on nga anibersaryo it militanteng grupo nga New Peoples’ Army, hin-aga Marso 29.
Base sa kumpirmasyon ni Police Lieutenant Colonel Arnel Solis, spokesperson it PRO VI, may una eun nga direktiba si PRO 6 Dir. Brigadier General Flynn Dongbo sa tanan nga mga Unit Commanders sa bieg nga Western Visayas nga maging alerto sa posible nga pag-atake it militanteng grupo.
Dugang pa nana, may una eun nga na-monitor ro mga kapulisan nga mga miyembro it NPA nga nagsaylo-saylo segun sa mga kabanwahan sa Iloilo.
Pero uwa pa it nabaton nga report ro PRO6 nga may planong pag-atake ro NPA sa rehiyon./JIL B. LACSON
