Nagpaandam ro Police Regional Office 6 (PRO-6) sa mga tawo kuntra sa paggamit o paghimo it peke nga COVID-19 vaccination card.
Ro mga madakpan nga may peke nga vaccination card hay pasakaan it kaso it falsification of public document, base kay Police Brigadier General Flynn Dongbo, Western Visayas police director.
Matandaan nga umpisahan eun it mga business establishment sa siyudad kapareho it mga malls ro pag-require sa mga manugbakae nga magpakita it COVID-19 vaccination card bilang nagapamatuod nga sanda hay nabakunahan eun.
Sa idaeom it Article 171 angot sa Article 172 it Revised Penal Code, ro parusa sa nasambitan nga krimen hay pagkapreso ag multa nga indi magsobra sa P5,000./JIL B. LACSON
