Mahigpit na ipinapatupad ang Price Freeze sa mga pangunahing bilihin sa Cagayan matapos ideklara ang State of Calamity dahil sa laki ng pinsala bunsod ng nagdaang bagyong Egay.
Ipinaliwanag ni Lourdito Antonio ng DTI- Cagayan Consumer Protection Division na agarang ipinapatupad ang prize freeze sa oras na idineklara na ang state of calamity.
Hindi maaring itaas ng mga negosyante ang mga presyo ng basic necessities and prime commodities sa DTI suggested retail price.
Kabilang sa mga basic necessities ang bigas, karne ng baboy, manok, gulay, bottled water, at iba pa.
Ito ay alinsunod sa Price Act o Republic Act 7581 ng Department of Industry.
Saad din ng opisyal na ang mga lalabag sa nasabing Price Act ay may kaukulang multa o kaparusahan.
