Magahiwat it presscon ro Private hospitals association of the Philippines- Iloilo Chapter makarang dominggo para i-anunsiyo ro andang pinal nga desisyon angot sa mga unpaid claims nanda sa PhilHealth.
Matandaan nga ku Disyembre 20 naghiwat it pagpueong ro mga opisyal it asosasyon ag ro pamunuan it Philhealth.
Sa nasambitan nga meeting, magapapdaea it proposal ro Philhealth bago ro Disyembre 24 angot sa unpaid hospital claims pero uwa man gihapon it nabaton nga anuman nga feedback ro asosasyon hasta makara.
Bangud dikara, mabahoe ro posibilidad nga indi eun sanda magre-renew it PhilHealth accreditation sa masunod nga dag-on./JIL B. LACSON
