LEGAZPI CITY – Piglalaoman na kan Commission on Election (COMELEC) Bicol na rurusuon an mga opisina sa primerong aldaw kan pagsumiter o pag-file nin Certificate of Candidacy (COC) sa rehiyon.
Sa intrevista kan Brigada News FM Legazpi kay COMELEC Bicol Regional Director Atty. Maria Juana Valeza, sinabi kaini na dakol an nagsumiter asin gustong maenot sa pagsumiter kan saindang COC.
Segun pa kay Valeza, kadaklan sa mga nagdaralagan sa barangay, amay nagpasiring asin nagpirila sa COMELEC offices.
Dugang pa kaini, may mga barangay na naka-schedule, asin kinakaipohan na magpasiring sa naumbitan na opisina.
Huli man ta dakol an madaralagangopisyales sa barangay, piglalaoman kaini na magkakaigwa ki halabang pila lalo na an mga darakulang barangay.
Mientrastanto, pakiolay kan komisyon sa mga kandidato na mag-file nin amay nganing maibetaran an surusuan sa pinakaultimong aldaw kan filing of COC. Pwedesir su boot na magpasiring sa opisina dawa dae sinda naka-schedule huli ta aasikasohon man sinda kan COMELEC.
