SOBRA ka dako ang gikunhod sa admission sa COVID-19 patient sa St. Elizabeth Hospital ning panahuna.
Kini ang gibutyag ni Antonio Veneracion, COO sa St. Elizabeth Hospital nga ‘good news’ kini tungod dili na malisdan ang ospital ingon man sa mga nurses ug doctor.
Sa kasamtangan, gikumpirma ni Veneracion nga aduna lamay tulo ka pasyente sa COVID-19 ang admitted sa ilang ospital ug mag-usa na ka bulan nga gamay ang admission itandi sa all time high nga 65 ka pasyente.
Usa sa hinungdan matud pa sa pagkunhod sa positive cases mao ang maayong dagan sa vaccination ug padayun lang usab ang pagtuman sa health protocols.
Dungan sa second national vaccination days nga nagsugod Desyembre 20 hangtud 22, giangkon ni Veneracion nga ilaha kining gisuportahan pinaagi sa mga personahe nga gi-deploy.
Samtang sa bahad sa Omicron variant luyo nga wala pay kaso sa GenSan, mas kinahanglan nga ipadayun ang pag-practice safety protocols tungod magpabilin ang virus ug mutations niini.
Sa pikas bahin gipanghinaut ni Veneracion nga bag-o matapos ang tuig, makabayad na ang PhilHealth sa ilang balance sa mga ospital.
