-Reymund Titong
KABANKALAN CITY, Negros Occidental — Nagnubo sang tubtob 3 pesos ang presyo sang bugas sa syudad sang Kabankalan sa una nga adlaw sang Hunyo, subong nga tuig.
Ang anay P58 pesos kag P56 pesos nga presyo sang regular milled rice, yara nalang sa karun sa tag P55 kag P53 pesos ang presyo kada kilo. Samtang, ang premium rice nga anay P59 pesos kada kilo, yara nalang sa karun sang presyo sa P56 pesos kada kilo.
Madumduman nga gina-lantaw sang administrasyon ni President Ferdinand Marcos, Jr. nga maganubo ang presyo sang bugas sa pungsod, kun papasar ang mga amendments sa rice tarrification law.*
