Nisaka ang presyo sa pipila ka palaliton sa merkado publiko sama sa mantika og harina mao nga nimahal usab ang presyo sa serving sa mga karenderya og presyo sa pancit.
Sa paglibot sa Brigada sa sulod sa merkado ang presyo sa mantika nisaka na sa 100 Pesos ang matag kilo gikan sa nobenta Pesos sa miaging bulan,sumala sa mga tinder us aka semana na sukad nga nipausbaw sila og presyo sa mantika.
Samtang sa mga namaligya og pancit nga ilado nga pagkaun sa mga yanong mga Filipino niusbaw na usab ngadto sa pinkamahal nga 35 Pesos matag kilo samtang ang ordinary pancit anaa usab sa 34 Pesos ang matag kilo.
Sumala sa mga tinder nisaka ang presyo sa harina mao nga niusbaw usab ang presyo sa pancit,kahibaluan nga kaniadtong desyembre 2021 anaa sa 30 Pesos ang presyo sa special pancit.
Ang presyo sa harina sa merkado sa Gensan ang 1st Class anaa sa 50 Pesos matag kilo,ang 3rd Class anaa sa 42 Pesos matag Kilo, ang Cake Flour anaa sa 60 Pesos matag Kilo,ang All Purpose flour anaa sa 60 Pesos matag kilo,ang Cornstarch anaa sa 52 Pesos matag kilo og ang Matling anaa sa 50 Pesos matag kilo. Tungod sa usbaw sa presyo sa matika og harina sumala kay Judeth Fuertes serbidora sa usa ka dakung kan anan sa National Highway Labangal nisaka na sa 50 Pesos ang ilang serve sa karne samtang tag kinse Pesos na ang pinaka barato sa sud-an nga gulay.
