NIABOT na sa kapin P70 pesos ang pinakamahal nga presyo sa gasolina sa Gensan human nga ni-epekto ang ikasiyam nga pagsaka sa presyo sa lana sa unang adlaw sa Marso tuig 2022.
Sayo sa buntag sa adlaw nga Martes gikumperma sa mga pumpboy sa mga gasolinahan nga na-agihan sa Brigada Patrol nagkumperma nga ni- usbaw na usab ang presyo sa lana 90 sentimos sa kada litro sa gasolina samtang 80 sentimos kada litro sa krudo, may nagpausbaw gabei pa samtang ang uban kaadlawon sa March 1,2022.
Gumikan sa mao nga usbaw sa lana apektado na usab ang transport sector sa ilang pamasada.
Sumala sa pangulo sa Public Transport Alliance of Gensan nga si Robert Cang igo na usab sila sa laing usbaw gumikan dili pa tanan electric jeepney ang ilang mga unit.
Sa ilang nakuha nga impormasyon basi sa mga analyst moabot hangtud P100 pesos ang presyo sa lana matag litro ug ang ilang option mao ang pagpadaghan pa sa ilang mga e-jeeps nga mamasada kay wala kini gagamit og krudo o gasoline.
Sa karon ang Ladotransco adunay 41 ka e-jeep samtang 31 ang di krudo nga mga unit.
Gidugang ni Cang nga kaadlawon sa March 1 niabot sila sa Vigan kay motambong sila sa Transport Forum ug anaa ang presensya sa taga Department of Transportation ug taga Land Transportation Franchising and Regulatory Board kon LTFRB. Ilaha matud pa nga ipaabot ang ilang mulo may kalabotan sa oil price hike samtang may nakauna na sa kaulohan sa pagsugyot nga 3 pesos nga usbaw sa minimum nga pletihan, ilaha nalang hulaton ang resulta sa petisyon. I Ver Diazon
