LEGAZPI CITY – Inihayag ng Department of Agriculture (DA) Bicol na ang pansamantalang pagsuspende sa pag-export ng mga poultry products ay makakaapekto sa presyo nito.
Sa panayam ng Brigada News FM Legazpi kay DA Bicol spokesperson Emily Bordado, ang nasabing suspensyon na tatagal ng 30-araw ay may epekto sa presyo ng poultry products at pati na rin sa mga nagpapalabas ng mga produkto sa ibang lugar.
Aniya, ang sakop ng suspensyon ay ang lokal na paggalaw lamang ng mga domestic at wild birds and poultry products habang ang pag-iimport naman ay hindi kasama sa nasabing suspension order.
Kung matatandaan, pansamantalang sinuspende ng DA Bicol ang pag-export ng mga poultry products sa labas ng rehiyon, matapos makapagtala ng Avian Flu sa lalawigan ng Camarines Sur, nitong Marso.
