Sinisikap pa rin umano ng mga lokal na mambabatas sa lalawigan ng Palawan na magawaan ng paraan upang mapababa ang presyo ng petrolyo sa lalawigan.
Ngayong Martes ay nagpatupad ng ika-pitong Oil price hike ang mga kompanya ng langis sa bansa.
Sa isang panayam, sinabi ni Dir. Rino Abad – DOE Oil Industry Management Bureau na ang ilan sa nakakaapekto sa patuloy na pagtaas ng presyo ng produktong petrolyo ay ang Geopolitical issues at kakulangan pagdating sa pandaigdigang suplay ng krudo.
Samantala, una nang hiniiling ng Sangguniang Panlalawigan na maimbestigahan ng senado ang mataas na presyo.
Base sa pananaliksik ng Committee on Energy sa Sanggunian, ang lalawigan ang may pinakamahal sa lahat ng mga probinsya pagdating sa presyo ng produktong petrolyo.
