Posibleng bumaba ng ₱30.00 kada kilo ang presyo ng karne ng baboy sa Bagong Palengke sa Batangas City.
Ayon kay, Eileen De Castro, ang market administrator, epekto ito ng pagbaba ng presyo ng live weight o sa buhay na baboy.
Kahapon, naglalaro sa ₱320.00 hanggang ₱340.00 ang presyo ng kada kilo ng karne ng baboy.
Ngayong araw ay inaasahan itong aabot sa ₱310.00 na lamang.
Kaugnay nito ay ikinatuwa ng ilang magtitinda ang unti-unting pagsigla ng bentahan ng karne ng baboy sa naturang palengke.
