Tiyak na aaray na naman ang mga motorista dahil sa naka-ambang super bigtime oil price hike sa susunod na linggo.
Ayon kasi sa pagtataya ng Unioil Petroleum Philippines maaaring tumaas ang presyo kada litro ng diesel ng P12.20 hanggang P12.30 habang P6.80 hangang P7.00 naman sa kada litro ng gasolina.
Ang mga projection ng presyo ay batay sa data ng kalakalan ng langis sa Mean of Platts Singapore o MOPS.
Nabatid na ang mga lokal na industriya ng langis ay gumagamit ng MOPS, ang pang-araw-araw na average ng lahat ng mga transaksyon sa pangangalakal sa pagitan ng bumibili at nagbebenta ng mga produktong petrolyo.
Karaniwang nag-aanunsyo ang oil firms ng mga pagbabago sa presyo tuwing Lunes at nagpapatupad ng mga adjustments sa Martes.
