Sugdan na karong adlawa hangtod December 1, ang pagpahigayon sa tulo ka adlaw nga National Vaccinations Days dinhi sa dakbayan sa Davao.
Nanawagan ang LGU Davao sa mga dabawenyo nga wala pa nabakunahan ug kadtong mga magpabakuna sailang second dose nga pahimuslan na ang ipahigayong “Bayanihan Bakunahan”.
Abli matud pa sa publiko ang vaccination sites sa mga nahisgutang adlaw lakip na ang gi-organisa sa mga pribadong sektor ug gani abli sab kini alang sa mga walk ins diin kinahanglan lamang dalhon ang DQR ug valid ID alang sa second dose samtang vaccination card alang sa 2nd dose.
Gawas niini, kinahanglan sab nga dalhon ang birth o baptismal certificate, valid ID alang sa mga eligible minor sa pediatric vaccination ug medical clearance gikan sa doktor kung adunay comorbidities.
Lakip sab sa magpahigayon sa National Vaccination Days ang mga pribadong sektor nga gilangkuban sa Aboitiz Corp., Davao Association of Colleges and Universities Network, Inc., at Davao Association of Catholic Schools Inc.
Samtang, magpahigayon sab og mobile vaccination ang Sangguniang Panglugsod ug ang Office of the Vice Mayor.
Tumong sa maong National Vaccination days nga mabakunahan ang 1.2 milyon nga dabawenyos aron hingpit ng manngkon ang herd immunity ayha paman mahuman ang tuig 2021.
