Negatibo na sa COVID-19 si Press Secretary Trixie Cruz-Angeles matapos ang ilang araw na isolation.
Sinabi ni Angeles na base sa abiso ng kanyang doktor, nagpa-RT-PCR test siya kahapon matapos ang pitong araw na isolation kung saan lumabas na negatibo na siya sa virus
Kaugnay nito ay nanawagan si Angeles sa publiko na magpabakuna at magpa-booster shot laban sa COVID-19.
Matatandaan na kinumpirma ni Angeles na nagpositibo siya sa COVID-19 noong August 15.
Una nang nagpositibo ang ilang cabinet members bagamat karamihan sa mga ito ay mild lamang ang naging simtomas. (LEO NAVARRO-MALICDEM)
#
