Naging emosyonal, garalgal ang boses at napabuga pa ng hangin si Pangulong Bongbong Marcos sa ginanap na “Iisang Nasyon, iisang aksyon: Tapusin ang Online sexual abuse and Exploitation of Children summit kahapon.
Ito’t pagkatapos marinig ng Pangulo ang naging karanasan ng isang dalagita na biktima ng pang aabuso.
Sa kanyang talumpati, sinabi ni Pangulong Marcos na hindi nya napigilang mapaluha habang pinakikinggan ang dalagita, dahil naiisip nya kung ilan pang tulad nito ang patuloy na inaabuso at hindi nakamit ang dapat na hustisya.
Aminado rin ang Presidente na ang paglaganap ng OSAEC ay nagdudulot ng labis na kahihiyan sa kanya, dahil bilang taga Gobyerno, kulang pa raw ang kanilang ginagawa para matigil ang ganitong ilegal na aktibidad.
Kaya naman naglunsad ang Pangulo ng Presidential Office for Child Protection
Ito ang mag sisilbing epicenter ng lahat ng efforts ng pamahalaan, gayundin ang pinagsama-samang resources at strategies upang matiyak na ang bawat bata sa bansa ay protektado at nasusuportahan.
