NAGLAOM si Dr. Renato Diagan Presidente sa Gensan Private hospital Association nga mapaspasan ang proseso sa pagbayad sa P800 milyon COVID claims gikan sa Philhealth.
Human kining nagsaad nga mobayad hantod sa Disyembre 2021. Nanghinaot ang opisyal nga dili na maabtan sunod nga tuig ang maong bayronon. Gibutyag ni Dr. Diagan, anaa pa lang sa 7% ang nabayad ngadto kanila ug wala pa kini maabot sa P140M.
Una nang gipromisa sa Philhealth nga makabayad og 70% gikan sa maong kantidad. Tungod niini, mitabang na ang LGU Gensan aron modugang og trabahante sa philhealth alang sa mas dali nga paghikutar sa tanang dokumento nga kinahanglan aron mabayran ang tanang pribadong ospital sa dakbayan. ( Enamie Mogpon)
