DUNGAN sa ‘overwhelming’ nga pagsaka sa kaso sa Covid-19 local transmission sa mga nakalabay’ng semana sa GenSan.
Miapela ang medical community sa lokal nga panggamhanan nga ipailawom ang dakbayan sa 14 kaadlaw nga ‘hard lockdown’. Matud ni Dr. Fidel Peñamante, presidente sa Philippine Medical Association (PMA) GenSan- chapter makatabang kini aron maputol ang transmission sa infection ug exposure sa sakit.
“Ang pinaka-basic question o dyes ng question, what are we supposed to do now, it will defend on how to value life, ilan ba ang kaya mong tanggapin na namatay sa (Covid-19) na ikaw yung mayor, how many people die before you take action,”asoy ni Peñamante.
Gawas niini, giapela usab sa nasangpit nga mopahigayon na ang siyudad og ‘Covid19’ summit nga tambongan sa tanang sektor sa susyodad. Kini aron mapasabot sa tanan ang kadelikadong dala sa Covid-19 sa matag usa.
Dugang ni Peñamante nalabwan na sa GenSan ang ihap sa Covid-19 related death nga sa ulahing datus (as of June 16) naa na sa 150. Sa gipadalang mensahe ni Mayor Ronnel Rivera atong Hunyo 08,2021 giangkon niini nga bug-at ipatuman ang lockdown apan abli siya sa tanang option. ( Richel Gubalani)
