Nagpatuman ang President Manuel Roxas Memorial Integrated School –North sang shorten time of classes bangud sa tuman nga kainit sang panahon dala sang El Niño.
Sa interview sang Brigada News FM kay Mr. Francis Saturno Isolan, Master Teacher II sang nasambit nga buluthoan, ginpahayag sini nga nadesisyonan nila nga mga manunudlo kaupod ang ila principal nga i-compress ang schedule sang klase sa aga agud pagkahapon makapauli na ang mga estudyante kag makapahuway naman ang mga manunudlo.
Suno kay Isolan, naga-umpisa ang klase 6:30 sang aga kag magatakop alas 12:00 sa udto, magluwas lang sa mga estudyante nga yara sa kinder tubtob grade 3 nga naga-umpisa ang klase alas 7 sa aga.
Dugang pa ni Isolan, ini ang ila ginhimo nga mode of learning bangud kun pilion nila ang modular mabudlayan sila nga mamonitor ang progress sang mga kabataan.
Nahibaluan nga nagpatigayon sang sinapol ang mga manunudlo sang PMRMIS-North sa mga ginikanan ukon guardian sang mga estudyante agud ipahibalo ang temporaryo nga schedule sang klase.
Igabalik naman ang regular time sang klase kun indi na tuman kainit ang panahon suno kay Isolan.
Nagpanugyan man ini sa mga ginikanan nga bantayan sang maayo ang ila mga kabataan bangud half day nalang ang klase kag base magligoy. | Judy Ann Juare
