Naghain ng resolusyon si House Deputy Minority Leader at Bagong Henerasyon Rep. Bernadette Herrera na naglalayong imbestigahan ang kakapusan ng driver’s license plastic card.
Sa House Resolution 926, binigyang-diin ni Herrera ang kahalagahan na matukoy ang ugat ng pagkaantala sa pagbili ng plastic card at upang makagawa ng hakbang upang hindi na ito maulit.
Nilalayon din ng imbestigasyon na masuri ang kahusayan at pagiging epektibo ng mga umiiral proseso ng gobyerno para hindi maapektuhan ang pagseserbisyo sa publiko.
Matatandaang, inanunsyo ng Land Transportation Office na paubos na ang mga drivers license plastic card at iiimprenta muna sa papel ang lisensya.//CA
