PASADO sa mga konsehal sa gensan ang unod sa State of the Nation Address (SONA) sa pangulong Ferdinand Marcos Jr., Lunes sa hapon, asa gikaengon nga kini ang komprehensibo partikular ang bahin sa economic transformation sa nasud.
Detalyado ang nahimong sona sa pangulo, asa gipasabot niini ang panginahanglan pa sa sector sa agrikultura ug importansiya sa kooperatiba aron mas molambo pa ang nasud. Apan gibutyag ni Konsehal Dominador Lagare Jr., nga posibleng mas- estrikto na ang iyang komento sa ikatulong sona sa pangulo.
Samtang, pasado nga grado ang gihatag ni Konsehal Richard Atendido tungod sa usa katuig nakita niini ang kalamboan sa nasud.
Dugang ni Atendido, gikalipay niya ang pamahayag sa pangulo ang pagpalambo pa sa ‘digitalization’ sa nasud. Tungod siya isip chairman sa komitiba sa impormasyon sa konseho sa gensan, pipila ka iyang mga resolusyon kalabut niini ang nahaom sa buot mahitabo sa pangulo.
Kahibaloan nga lakip sa gitaho sa pangulo mao ang paglaom nga moubos og 2.9% ang inflation o lihok sa presyo sa mga nag-unang papaliton sa ulahing bahin sa tuig. I Richel Gubalani
