Nakatalana nga magaabot si Pres. Ferdinand Marcos Jr. kaimaw si First Lady Liza Marcos kag ang apat ka gobernador kang nagkalain-lain nga probinsya pareho kang Guimaras, Iloilo, Capiz,kag Aklan sa Hunyo 27, huwebes nga adlaw.
Sa pagapakig-angut kang Brigada News FM kay Gov. Rhodora Cadiao, ginpahayag kadya nga magaabot ang Presidente agud magpanagtag kang ayuda sa mas o menos 10,000 ka mga Registered farmers and Fisherfolks.
Lakip sa mabaton kang mga nasambitan nga benepisyaryo amo ang P10,000 kada isara kag 5 ka kilo nga bugas.
Naman-an nga dya ron ang ikatatlo nga tion nga nagbisita ang presidente sa probinsya partikularmente kang paglaslas kang Bagyong Paeng kung sa diin naguba ang Paliwan Bridge nga sa kadya sarang ron maagyan.
