KINAHANGLANG kumpletuhon sa usa ka buntis ang pre natal check-up aron masiguro nga mahimong luwas ang pagbuntis ug sa gisabak.
Kini ang gibutyag ni Dr. Joy Camille Babasa, Medical Officer IV sa City Health Office nga ang usa ka buntis kinahanglan nga magpa pre natal, apan aminado nga adunay ubang mabdos dili makakumpleto niini.
Angayan nga makumpleto ang upa ka pre natal check up, una alang sa first trimester, ikaduha alang sa second trimester ug kaduha ka beses alang sa third trimester.
Importante matud nga makumpleto ang pre natal care aron masayran ang kondisyon sa mama ug baby.
Usahay matud pa unang adto pa lang alang sa pre natal check up, maayo pa, apan pag-abot sa pipila ka pre natal, may infection na, o dili ba kaha anemic, mao nga angayang mahatagan og igong treatment tungod delikado ang anemic ug kung may infection, mahimong magresulta sa premature baby.
