DILI pa mangbaklas og campaign posters sa mga lokal nga kandidato ang Comelec Gensan kay giuna nila ang posters sa mga national candidates nga anaa sa ginabawal nga lugar.
Sa kumpermasyon ni City Comelec Officer Atty. Sharmaine Papandayan Garangan nagsugod na sila kaniadtong Pebrero 14 atol sa Valentines Day ug ang iyang instruction sa Task Force Baklas nga unahon ang nakabitay sa mga punoan sa kahoy ug poste sa kuryente.
Samtang sa bahin sa mga posters nga nakabutang sa mga pribadong area basta may pagtugot sa tag-iya wala daw problema niini, dili na nila baklason.
Ang mga binaklas nga posters gibutang sa luyo sa ilang opisina sa Barangay Dadiangas West ug i-dispose human sa election.
Sa lokal nga mga kandidato sa Marso 25 pa magsugod ang ilang opsiyal nga panahon sa kampanya ug ang pagbutang og posters sa mga common poster areas ug ang naunang mga posters sa mga local nga kandidato dili pa covered sa balaud.
Nakadawat usab og unang reklamo ang taga Comelec Gensan gikan sa taga suporta sa usa ka partylist, ang reklamo kagahapon mao nga gitangtang ang ilang poster nga gibutang sa ginatugot nga lugar.
Gipasusi usab sa Comelec ug nasuta nga dili taga Comelec ang nagtangtang niini. I Ver Diazon
