Nasugaan na ang portion sa poste sa kuryente sa Davao City Coastal Road gikan og Bago Aplaya padulong sa Talomo exit.
Kini ang gibutyag ni Gaudencio I. Ortiz II, tigpamaba sa Department of Public Works and Highways 11 atol sa eksklusibong pakighinabi sa Brigada.
Sumala ni Ortiz, gibana-banaang anaa sa kapin o kulang duha ka kilometro ang malampuson na nga nasugaan sa naasoy nga dapit. Kahibaloan nga pipila na ka tuig ang nakalabay nga wala masugaan ang maong dapit nga sagad matala ang disgrasya.
Laraw sab nila sa sunod nga tuig nga masugaan ang portion sa Matina Aplaya Bridge ug pipila ka mga poste paingun og Times Beach sanglit ning kasamtangan naga-request pa matod sila og budget.
Kahinumduman nga ang gitudlong hinungdan sa pagka-balda sa pagpasiga sa mga suga sa Coastal Road gumikan sa nahitabong kawat sa mga cable wires nga sa karon napakgang na sa kapulisan.
