NAGPAGAWAS na og imbitasyon ang presidente sa Liga ng mga Brgy. Gensan Chapter nga si Mayor Elect ug ABC President Lorelie Paquiao ngadto sa tanan nga mga punong barangay sa dakbayan nga mutambong sa ipahigayon nga regular niini nga meting sa umaabot nga Lunes, Hunyo 20, 2022.
Gitakda ang maong panagtigum sa Liga ng mga Barangay conference room sa Liga ng mga barangay building nga nahimutang sa Sr. Citizen Drive ning dakbayan.
Lakip sa agenda nga takdang pagahisgotan nga maoy nakalatid sa maong imbitasyon ang pagbakante sa tanan nga posisyon ug pagpatawag og eleksyon alang sa bag-ong mga opisyal sa maong liga.
Usa sa gihimong basehan niini ang may kalabotan sa section 494 sa RA 7160 o Local Government Code of 1991.
Samtang karon palang nga daan nagpasidaan na si Kapitan Renante Curit sa Brgy. Fatima nga posibleng dili kini makatambong sa maong panagtigom tungod kay nakakuha na kini og ticket alang sa Gender and Development Training and Seminar sa Dumaguete nga magsugod sa Hunyo 20 hangtod sa petsa 24.
Segon pa nga ang tanan nga mga kapitan ang imbetado usab sa maong panagtigom. I Danny Casi
