SUNDON ang rules of succession sa liga ng barangay sa posisyon nga mabakante.
Kini ang gibutyag ni Rilimin Sandoval, City director sa DILG kalabot sa liga ng barangay sa GenSan nga gipangulohan ni Mayor-elect Lorelie Pacquiao ug si Lagao Brgy.Captain Rolito Blando isip vice president sa liga.
Segun ni Rilimin si Blando ang muhulip apan nasayran nga kini dili interesado mao nga dili pa matino usab kung ang secretary ang muhulip apan kini angayang mahisgutan sa liga.
Kung may eleksyon matud pa ang opsyon, mahimong mangayo og pagtugot gikan sa national liga ng barangay ang liga ng barangay sa GenSan.
Samtang gibutyag usab ni Sandoval nga madayun ang eleksyon sa barangay karong Desyembre 5 ug wala pa kini masayod kung may postponement.
Sa maong higayon dugang ni Sandoval samtang wala pa ang barangay elections, ang liga ng barangay sa GenSan, angayang muhulip sa bakantehon nga pwesto ni Mayor-elect Lorelie Pacquiao sa liga.
