LUYO sa pagpabiling naa sa ‘green zone’ sa GenSan kalabut sa hisgotanang African Swine Fever (ASF), subling nagpahibalo ang LGU nga hugot gihapon nga gibawal ang pagpasulod sa pork o pork process product.
Matud ni Dr. Emilio Gargaran, City Veterinary Office, kini ang rason sa padayong pagpahugot sa seguridad batok ASF sa mga gimuntar nga checkpoint. Kini usab ang rason sa ubay-ubay nga kantidad sa pork ug pork process product nga naimbargo sa mga checkpoints sa siyudad.
Asa naa sa 649.4kgs o 34 boxes sa pork products gikan sa Toril, Davao City ang bag-ohay lang gikumpiska. Lakip nga gikumpiska ang ana sa 545.2kgs (29boxes) sa grown chicken skin. Gikumpiska ang maong chicken products gumikan gisagol sa pork products.
Panawagan niini nga hangtud karon nagpabilin ang kamanduan nga bawal ang pagsulod sa GenSan sa mga pork products tungod sa pagbiling bahad sa ASF.
Nakalabay’ng tuig, pipila ka baboy ang naigo sa ASF,asa dagkong kantidad sa salapi ang nalugi gikan sa mga backyard hograisers. I Richel Gubalani
