GI-ACTIVATE na sa General Santos City Police Office ang pinakabag-o nga police station sa siyudad nga mao ang Police Station 9. Gibutang isip hepe sa maong presinto si Police Major Carl Jayson Baynosa nga kanhining nabutang isip hepe sa Police Station 4.
Kahibaloang mamahimong sakop sa Police Station 9 ang tulo ka mga Barangay nga mao ang Barangay Mabuhay, Barangay Conel ug Barangay Olympog samtang ang Barangay City Heights ug San Isidro ang magpabilin isip Area of responsibility sa police station 4. Pinaagi sa bag-ong estasyon mas matutukan sa Police Station 4 ug Station 9 ang ilahang area of responsibilities. Kahinumdumang usa sa mga rason sa pag dugang sa police station 9 mao ang kalapdon sa sakop sa Police Station 4 kaniadto 5 ka mga barangay ang gitutukan.
Ang Police Station 9 ang nahimutang sa Promiseland 2 Barangay Mabuhay Gensan 100m gikan sa Barangay Mabuhay Road. I MJ Fernandez
