Nabalhog sa prisuhan ang usa ka babaye human gibunalan og kahoy ang mga police nga ni-serve sa warrant of arrest batok sa iyang kapuyo tungod sa kasong frustrated murder, pasado alas 9:00 sa gabii, petsa 27 ning buwan sa Abril sa White road, Inayawan, Cebu City.
Ang suspect mag atubang og kasong obstruction of justice naila nga si Fatima Jamii, 32-anyos ug residente sa nahisgutang Lugar.
Base sa blotter sa Inayawan Police Station, ang warrant server sa PNP sa dakbayan nisuway pagserve sa warrant of arrest batok sa kapuyo sa suspect nga naila nga si Joseph Fernandez Bas, 33-anyos og nagpuyo ra usab sa nahisgutang lugar, sa kasong frustrated murder nga dunay pyansa nga 200,000.00 pesos.
Padong na unta nga molakaw ang kapilisan kuyog sa subject sa warrant apan dali nga nidasdas ang suspect bitbit ang kahoy dayong bunal sa mga otoridad. Dili mosugot ang suspect nga dal-on sa kapilisan ang iyang kapuyo tungod sa iyang paghamag og pagbunal sa mga police, giapil og signet ang suspect nga mag atubang og kasong obstruction of justice.