Pinakikilos na ni Senadora Grace Poe ang National Telecommunications Commission na aksyunan na ang kabi-kabilang mga text scams na natatanggap ng mga Pilipino.
Ayon sa Senadora na siya ring chairperson ng Senate Public Services Commitee, kailangan nang gumawa ng hakbang ng NTC para mahinto ang mga texts na ito.
Aniya, siya mismo ay nakatatanggap ng mga scam messages na nag-aalok ng mga trabaho, extra income, incentives at mga freebies.
Giit ni Poe, hindi na dapat madagdagan pa ang problemang pinapasakit ng mga Pilipino lalo na’t ang nabibiktima ng mga scam na ito ay ‘yung mga baon sa utang.
Kahit na mayroon na raw kasing direktiba ang NTC sa mga telco na mag-isyu ng warning sa kanilang subscribers, talamak pa rin ang modus na ito.
Hinikayat naman ni Poe ang susunod na Kongreso na buhaying muli ang SIM card registration bill para maresolba ang problemang ito.
Matatandaang nakalusot na sa Kongreso ang panukala ngunit na-veto ng Pangulo daihl sa ilang probisyon na mayroong kinalaman sa social media.
#
