Hinimok ni Senador Grace Poe kahapon si Civil Aviation Authority of the Philippines o CAAP director general Manuel Antonio Tamayo na mag-inhibit sa isinasagawang imbestigasyon sa Ninoy Aquino International Airport air traffic fiasco.
Sinabi ni Poe na makabubuting gawin ito ni Tamayo upang matiyak na walang kinikilingan sa isinasagawang pagsisiyasat sa insidente.
Umaasa rin ang mambabatas na bubuo ng isang independent body ang Department of Transportation o DOTR para magsagawa ng impartial investigation.
Kabilang sa mga personalidad na maaaring isama para tingnan ang nangyaring system glitch ay si dating CAAP director general William Hotchkiss.
Maaari ding hilingin para maging parte ng independent body ang isang kinatawan mula sa association of civil aviation engineers sa bansa.//CA
