May ikinakasa pang kasong obstruction of justice ang Philippine National Police laban sa ilang opsiyal at miyembro ng Kingdom of Jesus Christ ni Apollo Quiboloy.
Kasunod ito ng pagsasampa ng Criminal Investigation and Detection Group (CIDG) ng kasong sedition at inciting to sedition laban kay Atty. Israelito Torreon, legal counsel ni Quiboloy, at iba pa dahil sa umano’y pag-uudyok sa mga tagasuporta nito na magmatigas sa pamahalaan.
Ayon kay PNP Public Information Office Chief BGen. Jean Fajardo, documented ng pulisya ang mga pagdedenay na wala sa naturang compound o sa Davao City si Quiboloy at nagpaantala sa operasyon ng mga otoridad na tumagal ng 16 na araw.
