Isinasapinal na ng Philippine National Police ang pagpapalabas ng memorandum circular kaugnay ng pagmamay-ari ng semi-automatic rifle ng mga sibilyan.
Ipinaliwanag ni PNP Civil Security Group spokesperon Lt. Col. Eudisan Gultiano na malapit ng mailabas ang panuntunan sa pagbebenta ng semi-automatic rifles sa mga sibilyan, kaya’t maaari na ang pagtanggap ng mga orders ng mga gun dealers, subalit hindi pa papayagan sa ngayon ang pag-release nito.
Pinamamadali ayon kay Lt. Col. Gultiano ni PNP Chief Police General Rommel Francisco Marbil na matapos ang guidelines, kaugnay ng usapin ng pag-aari ng semi-automatic rifles na nakabatay sa RA 10591 o Comprehensive Firearms and Ammunition Regulation Act.
Maaring sa linggong ito o sa susunod na linggo maisumite kay Gen. Marbil ang guidelines para pirmahan.
