Hindi umano nagsagawa ng tamang autopsy ang Philippine National Police sa bangkay ni Kian delos Santos na napatay sa war on drugs ng gobyerno noong 2017.
Sa isang press conference, ibinahagi ni forensic pathologist Raquel Fortun na ang isinagawa niyang re-autopsy sa bangkay ni delos Santos ay nagpapahiwatig na gumawa lamang ng konklusyon ang PNP batay sa superficial cut sa kanyang katawan.
Dagdag pa ni Fortun, hindi rin naisagawa ng tama ng Public Attorney’s Office ang ikalawang autopsy sa labi nito.
Batay sa dokumentasyon ng PAO’s autopsy , gumamit umano ang mga awtoridad ng “randomly positioned protractor and probe” upang suriin ang labi.
Isinagawa ng PAO ang autopsy sa tirahan ni Delos Santos na ayon sa forensic pathologist ay isang red flag.//CA
