Ipinag-utos ni PNP Chief Gen. Rommel Marbil ang pagsasailalim sa review ng implementasyon ng PNP Memorandum Circular 2024-02 o tattoo sa mga pulis.
Sinabi ni PNP Public Information Office Chief Col. Jean Fajardo, na ipinag-utos ni Marbil sa Directorate for Personnel and Records Management na pag-aralan muna ito bago ipatupad.
Ito’y dahil sa health and medical concerns sa mga pulis sa pagpapabura ng kanilang visible na tattoo pati na rin ang gastos sa pagpapabura nito.
Pero giniit ni Fajardo na mananatili ang kanilang polisya na bawal ang may tattoo sa bagong aplikante sa PNP.
