GIMANDU na sa labaw sa kapulisan sa nasud ngadto sa mga commanders ang pagsugod na sa security preparation alang sa May 2022 local and national election.
Matud ni Chief Police Gen. Guillermo Eleazar, Chief Philippine National Police (PNP) atol sa pagbisita niini sa presinto sa rehiyon-12 nga tumong sa pagpangandam ang maangkon ang kahapsay ug kalinaw lakip ang matinud-anong eleksyon sunod tuig.
Gihingusgan niini nga pinaagi sa sayo nga pagpangandam masiguro nga dili makumpromiso ang integridad sa eleksyon. Sa impormasyon gikan sa Police Regional Office (PRO) 12 usa sa pagpangandam mao ang pagbungkag sa Private Armed Group (PAGs) sa rehiyon.
Si Eleazar ang tulo ka adlaw nga milibot sa nagkadaiyang presinto sa kapulisan asa ulahing giinspeksyon niini Huwebes ang presinto sa Alabel, Sarangani Province. ( Richel Gubalani)
