PNP Chief giawhag ang mga testigo sa pagpatay kang Maam Yentez Quintoy nga mogawas
GIAWHAG karon ni PNP Chief, Police General Guillermo Lorenzo Eleazar ang mga testigo sa pagpusil patay kang Maam Yentez Quintoy niadtong June 4 nga mogawas.
Segun niini, nga pinaagi sa maong mga impormasyon nga mahatag sa mga otoridad, makatabang kini alang sa paspas nga kasulbaran sa kaso.
Una nang gianunsyo ni Brigada President/CEO Elmer Catulpos ang pagtanyag og P1 million reward alang sa kinsa man nga makahatag og solidong impormasyon nga mosangko sa pagkatudlo ug pagka-aresto sa mipatay kang Maam Yen.
Gitahasan na usab ni Eleazar ang kapulisan sa GenSan nga pakusgon pa ang police visibility aron mapugngan ang susamang pagpamusil patay ug masiguro ang kaluwasan sa publiko gikan sa mga dautang elemento.
