Camp BGen Simeon A Ola, Legazpi City— Nagpapatuloy parin ang isinasagawang Search, Rescue at Retrieval operation sa iba’t ibang probinsya sa Region 8.
Nitong ika-15 ng Abril 2022 naganap ang send-off ceremony para sa tatlongpu’t limang (35) magigiting na tauhan ng yunit bago ang kanilang paglalayag patungong Visaya. Ito ay pinangungunahan ni PCPT Bon John J Pascual.
Dala ng mga ito ang tatlong sasakyan para gamitin papunta sa mga barangay na nangangailangan ng tulong dahil sa malakas na ulan at hagupit ng nagdaang bagyong “Agaton”.
Kasama sa mga sasakyang ibibiyahe nito ay ang “SAR Vehicle with desalination capability”. Ito ay magiging instrumento sa pagsusuplay ng malinis at maiinom na tubig sa mga residenteng biktima ng kalamidad.
Samantala, Kasabay nito ang pagdarasal ng buong himpilan ng PRO5 sa pamumuno ni PBGEN JONNEL C ESTOMO, RD para sa pagbangon at pagsisimulang muli mula sa pagkakalugmok dahil sa bagyo.
