Kasunod ini sa ginbuyagyag ni Police Colonel Randy Arceo, Executive Officer sang PNP Directorate for Operations sa ginhiwat nga hearing sa senado nga may yara sang 23 ka mga buluthuan sa pungsod nga ginahimo recruitment area sang mga rebelde nga grupo kun sa diin nagapanguna pa sa listahan ang Putian National High School sa banwa sang Cuartero.
Suno kay Hernan Duran, OIC-Principal sang PNHS, dapat pamatud-an sang natungdan ang ila alegasyon agud indi man makulbaan ang mga pumuluyo. Nagpasalig man ini sa mga ginikanan sang mga estudyante nga ang ila mga ginatudlo sa eskwelahan ang naga-santo sa programa sang gobyerno. | Judy Ann Juare
