Umapela si Police Lieutenant Colonel Bernard Ufano, Deputy Provincial Director for Operations it Aklan Provincial Police Office (APPO), sa mga negosyante ag private individual sa Aklan nga makipagbueoligan sa PNP ag AFP para matapna ro mga rebeldeng NPA.
Sa ginpatigayun nga Aklan PPO Press Conference makarun nga hapon kaangot sa mga nadakpan nga ginapatihan nga miyembro it CPP-NPA, may pilang mga negosyante sa Aklan ro nakabatun it sueat ag tawag halin sa mga nagapakilaea nga New People’s Army nga Coronacion Chiva Waling Waling command.
Ro nasambit nga mga rebelde hay nagapangayo segun it kwarta sa mga negosyante o extortion demands.
Suno kay Col. Ufano, raya eon ro tamang panahon agud tapnaon ro insurhensiya pinaagi it pakikipagbueoligan it publiko sa mga otoridad.
Sa nagtaliwan nga 53 anyos, owa pa gihapon napierdi ro mga rebelde ngani kung sanda eang segun nga PNP ag AFP, indi nanda mapierdi ro NPA kung owa it bulig halin sa mga pumueuyo.
Ginpaabot pa ni Ufano nga indi paghueaton nga maabu pang pamatan on ro ma-engganyo it mga rebelde. // ANN DESLENE SALAZAR
